إحتمال كبير إحنا بس نايمين بالفضاء عايمين
إتصال حقير لما نكون عالقدر والقضاء عايشين
متعاونين ضد بعض فلان رفض فلان حقد
ماسك الخيط بس كلو عُقد فلان إنتفض
خنق الكل بتعرف عشنه قديم نقاش عقيم
بحكيلك فاهم بدون فكرة مبنية نقاش سليم
نقاش على هاتف ذكي ودفتر مستخدم جاهل
مستخدم إفتراضي زي ختيارة ومستقدم عاطل
عن العمل سفره توفير مادي لون القصة رمادي
مش إعتيادي يكون على أرض ثانية إعتمادي
لأنها وحدة بس فيهاش وحِدة الإختيار بالوحدة
بدون خطوات بصم إستيعابه ومنتصر بالوصفة
هي بالآخر وصمة إعرف كيف تترك بصمة
بدون جمع بس طرح في دايما ضرب بدون قسمة
بحاسب عاللقمة زي ضريبة وخدمة معدومة
بتحسها نصبة بس هيه كسبة ايرادات ملمومة
من كبر المنظومة فواتيرك ملغومة بدها تنفجر
لو الوطن عشق بتكون رسالة انفصال قلبك بنفطر
بتضلك مختصر ما بدك تجرح بتصرح وبتسرح
صعبة عليك اللحظة مش عارف كيف بدك تشرح
بتمننا لو اني او الخبر بمزح بس دايما بمزع
لانه قد ما بتشوف وصلت مرحلة وبطلت تسمع
من القهر بتدمع بتدعي عارف لمين وسايق غيرك
بحكي عالفكر بعرف بترضاش تكون سايق لغيرك
بتسب عالعمومي والخاص خلص توغل بالجذر
حتى بين الضفتين ياخوي اليابان عاملة الجسر
من زمان ما عملنا اشي بتكسر الظهر إلنا عالدم
لما بنعرفش نرمي ورانا معناته إحنا بنحب الهم
الغم بنشمو شم وبنتعاطى السم بتفرقش بكم
بتعتم بالبترا بالحمرا بتنهي حداد برم
زي لما تحفظ جزء عم على صغر انحرافك جائز
طريق مستقيم إذا بعدت زحت إنعطافك فائز
جوى مقتنع انك عاجز شب بروح عجائز
اسمع هاي مش نصيحة ولا توعية فيش جوائز
ترضية إصحى من الحلم اوف لهدرجة بائس
ما في حدا حيجيك حتى لو طول الوقت كابس
خايف عالقابس نفسك انت ساجنه ليش حابس
ما في مي ما في شجرة ولا شمسية للفي بس حاسس
الجو غريب كم ونص كم وجكيت ثقيل لابس
عجيب قديش متلامس زي سلك معرا بمكان غلط
قد ما بتشوف أحرف وكتابات بطلت تميز النقط
بتتحرك زي جندي بلعبة شطرنج خطوة محدودة
مقومات مصفوفة أيادي وعقول متحكمة موجودة
أقولك غير مدروسة فواصل رئسية أفعالك محروسة
عوالم محسوسة أنظمة عم تسقط مش مقطوفة
كون نيوتن ما تمرق حتى بمزاجك إحفر أساسك
مش فاهم شوف غزة بنزلش تفاح قذائف عراسك
بكل مكان أعدائك من كثر الشتات متفرقة أشلائك
قلب وقالب بالروح والجسد غائب بشتغلو لإقصائك
إنهائك مهم بأمورك المادية بتحسو متبع وملم
الفرصة بتيجيك بس لما تمشيلها الفتات بتلم
زي طير نفس المشهد بكل فلم في رفق بالإنسان
قد ما بتحكي بتلدغ زي حية لإنه إنبرا اللسان
تبوز تبلور الموضوع ملفوف لدرجة ممكن بتمحور
ضعف قد ما راح واجى بالسطور كنو بتمشور
بحبش يطلع عالتلفاز يتصور بحبش يتخيل
ما فهم حتى إنصدم لما عرف انه رح يتخير
