بحال بزاف د البنات لقيت
راسي فوسط الظلام حيت خليتوني و مشيتو
و اليوم من شوفة الناس انا مليت
" هاديك غير بنت الليل " هاكا عليا سمَّاو
صغري داز فالزناقي
ما فرحت بيوم العيد ما عرفت نكتب حروف
حتى رضيت نعيش بوحدي كاع لي باقي
لقيت لي بغاني بعيوبي نساني الخوف
ضحكاتلي الدنيا بغيتو
من طريق الظلام داني معاه شفت النور
نساني العذاب لي عشتو
فكرنا فلي جاي و كلشي بقا اللور
كلشي بقا اللووور (٣)
بحال بزاف د البنات بغيت
حتى فلحظة كملت الغلط اللي نتوما بديتو
الانسان اللي قلت بيه انا تهنيت
بلا رحمة حط روح وسط من كرشي و زاد
همِّي اليوم مع ولدي ساكن
الأمل اللي باسم الحب كان و دابا ملي
ضاعت حياتي رجع لونها داكن
ضمرت أحلامي و تقت حيت يسحابلي بلي
ضحكاتلي الدنيا بغيتو
من طريق الظلام داني معاه شفت النور
نساني العذاب اللي عشتو
فكرنا فاللي جاي و كلشي بقا اللور
كلشي بقا اللور (٣)
~ كلامو غير كذوب
بحياتي غامرت فحال الشمعة شعلت و هانا كانذوب
حايرة بولدي و ما عرفت اش غندير ليه وسط هاد الهموم
ما قدرت نفهم واش انا الظالم ولا المظلوم ~
واش نخليه فحالي يواجه العالم؟
يعاني فظروف مايقدرش كاع يكون فيها سالم؟
تمنيتو يشوف الدنيا لكن .. قررت نمشيو بجوج و مانعيّشوش فالظلام ..
كلشي بقا اللور .. كلشي بقا اللووور
