بسم اللي بحكمته سبحانه
يفارق الانسان خلانه
لو كان ما يبغى يفارقهم
و الطير وشهو دون جنحانه
الله يزيح الجايحه عنا
والله يشافي كل مرضانه
و الله يخلي للوطن عزه
و الله يطول عمر سلمانه
الراس عالي لكن الليله
زاد ارتفع راسي عن امتانه
مرفوع باخواني و عماني
و كلن له اخوانه و عمانه
اليوم جينا نحتفل باللي
يفدونه اللي مالهم خانه
من بعد ما افنى للوطن عمره
ترجل الفارس عن حصانه
وانا ادري انه ما يحب اللي
يمدحه بابياته و قيفانه
لكنّ يسمح لي وانا شاعر
ما كلن يرجَحّ بميزانه
لا قمت اعرف باسمي الكامل
كلن يركز صوبي اعيانه
واول سؤال اسمعه..يقرب لك؟
بو هيثم المعروف عنوانه؟
وارفع بذكره راسي و صوتي
باللي صروح العز مسكانه
و من بعد ما كان النعم واحد
يصبح ملايينً على شانه
زرعت فينا فاول و تالي
طيبك و زرعك تحصد اثمانه
هذا اللذي ما خلقت يمينه
الا لربع و جار و اخوانه
و من يوم ما طيش العمر يحكم
كبير فعله .. معتلي شانه
من قبل لا يطرد ورى رزقه
بدّا يخلص بيت شيبانه
ما كان يبني من سعه لكن
يبغى يجمل شايبً عانه
يبنيه يوم أقرانه اغلبهم
مديون للدكان بفلانه
لو كان يجمع ماصرف فيها
كان اصبح الدكان دكانه
لكن عزوم الرجل و فعوله
تجعله دايم يسبق ازمانه
فان كانها للضيف و حقوقه
ثلثين ماله لاجل ضيفانه
و ان كانها بالفزعه العجله
هوايته يفزع و ديدانه
المرجله و الطيب و الوقفه
ميدان و الميدان ميدانه
وان كانها فيما فعل وانجز
اسأل وطنه وتعرف احسانه
ترى وطنا مشارك الليله
يشكر جهودك شعب نجرانه
ولا فرسان اللي بجهدك
صارت كما وسط البحر دانه
و من كثر ماهو للعمل مخلص
يعمل على ان جيزان جيزانه
فباسم الوطن مشكور و مقدر
انا اعتبرني قُدمك لسانه
مبروك يا عزي و نوماسي
و يكفاك شر الوقت و احزانه
