بقى دا وقت استسلام
يا راجل دا اسمه كلام
مفضلش كتير صدقني
وخلاص كلها أيام
الحلم بدأ يتحقق
خليك عايش على مبدأ
نتعب دلوقت شويه
علشان نرتاح قدام
الخير هلت بشايره
والحمل اللي انت شايله
بيقل واحدة واحدة
قوم كمل وحاول
خليك دايماً متفائل
وابدأ م النهارده
الوقت الصعب فات
وجايه أجمل اوقات
ومفيش نهاية حلوة
إلا وليها بدايات
طول ما فينا همة
هنعدي أي أزمة
دا الصبر وقت الشدة
بيعمل معجزات
