عـلى شباك الحلوه السمره جينا تنغنيلها

غنيّات بضو القمره — عالشوق بتحكيلها

وتطل بقولة "اهلا"

نسكر سكره من دون خمره — وندوب مقابيلها

ع شباك الحلوه وقفنا — نهديها اشعارنا

حتى تنام ويغمض جفنها —ع رنة اوتارنا

والحلوه وقفت معنا — عالشباك وتسمعنا

مثل اللي كانت تعرفنا — ومشتاقه لاخبارنا

وخلف الغيمه قال القمر — قصه مخبيها

والحلوه ما عندا خبر — انه هاويها

فكره يخبي نوره عنها — ويشفي غيرة قلبُه منّا

ومن بسمة خدها يحرمنا — وعنّا يخفيها

ع شباك الحلوه طابت — سهرتنا ونسماتها

والاوتار قبالها ذهبت — رنتها ونغماتها

والبدر الراح تخبى — ما هم اللي بحبها

ولا صورتها عنا غابت ولا ضاعت بسماتها