في ليله من الليالي الصدفة جمعت بنا تاني
شوفتها من بعيد و هي كمان كانت شايفاني
حاولت توريني انها مبسوطة و مش فاكراني
و أنا معرفتش اداري اني من غيرها لسه بعاني
فكرت في كلام كتير بس خلاص معدش ينفع
دورت في ذكرياتي مالقتش حاجه تشفع
ازاي قلبها بعد اللي شافه ممكن يسمع
بعد ما وقفت علي رجليها عايزها تاني ترجع
عارف اني راجع متاخر
و كان لازم فيكي افكر
بس المرادي مش بهزر
بقول كلامي و مش متحضر
من قلبي لقلبك علي طول
يمكن ده يبطل المفعول
السم وصل لجوه العروق
صعب قلبك يصفي و يروق
كنت بعدي بيكي جرح كبير جوايا
و حقيقي حبيتك بس ده مكنش كفايا
كنت بشوف فيكي خيال لصورتها في المرايا
ونا قلبي معدش يتحمل يوصل تاني لنهاية
في ليله من الليالي الصدفة جمعت بنا تاني
شوفتها من بعيد و هي كمان كانت شايفاني
حاولت توريني انها مبسوطة و مش فاكراني
و أنا معرفتش اداري اني من غيرها لسه بعاني
ايامها كانت الدنيا جايه عليا جامد
قولتيلي ماتخفش قلبي هيفضل معاك صامد
و مصدقتش كلامك و فضلت ليالي غامض
و فجأة قرارت الهروب و هنا كل حاجه ماتت
مفكرتش ايه هيكون أحساسك
ماردتش عللي بيدور جوه راسك
سيبتك تتعذبي و خيبت أمالك
كسرت قلبك و اللي جرالي اهو جرالك
كنت بعدي بيكي جرح كبير جوايا
و حقيقي حبيتك بس ده مكنش كفايا
كنت بشوف فيكي خيال لصورتها في المرايا
ونا قلبي معدش يتحمل يوصل تاني لنهاية
في ليله من الليالي الصدفة جمعت بنا تاني
شوفتها من بعيد و هي كمان كانت شايفاني
حاولت توريني انها مبسوطة و مش فاكراني
و أنا معرفتش اداري اني من غيرها لسه بعاني
