انتي المَلِكَة ومَلِكة المَلِكات
توِّجِك الله بإيده
رفعك فوق كل البنات
والرايات والجيوش
وفوق كل الطغمات
التواضع والطهارة.. استنوا يوم ولادتك
يتكملوا يتجملوا ويشوفوا طيبتك
تسليم حياتك لربك.. ولخدمته
ولطاعة أي حرف لكلمته
يالبريئة ياللي لينا بتشفعي
عن كل العالم بأسرُه
يالعفيفة ياللي لينا بتجمعي
ياأم ملايين نادوكي وِصلوا
يالبنت الهادية اللي بضفاير
اللي دلوقتي ساكنة قَصرُه
ياأجمل حل ياست الكل
ياشاهدة نَصرُه
ياسِلِّم يِوصِل بالسما
ياحِما وسور
احنا بنحبك كلنا
ياعدرا يامريم ياأم النور
#ريمون_روماني
