مبتطلعش كلمه
مبيطلعش خوف
مبيطلعش مني اي سؤال عن الموت
مبيطلعش اللي جوه مني في يوم يموت
بس الحاجه الواحده اللي بتطلع مني صوت
والكلام مكتوب
والعيون تشوف
مفيش حاجه تانيه علمتنا غير ذنوب
كل يوم يفوت اخر الليل اموت
عندي لسه باقي بس وسط الناس سكوت
خدنا منها ايه تفوت سنين
جوه دماغي سجن مين سجان ومين اسير
مين يبص من ورا الحيطان ينادي مين
واسال نفسي وسط كل دول انت مين
بس هما فين
محدش فيها غيري
سبت نفسي فيها بكيفي واسال نفسي دايلي
مين اختارلي سكه
مين اختارلي خط
لو مكنتش انت كان هيبقى مين بديلي
تبقى فيها ايه الدنيا عشان معاك تعاند
هاتلي خط غير النبض بس بيبقى ثابت
لون الحيطه باهت
شكل احلامي ماتت
حبل كان مقطوع وكنت فرحان اني شادد
نفسي من الوهم افوق لسه السنين تفوت في اللحظه اعيش واموت محدش قالي انت فين
سبيني بس اتوه انسي اللي فات وافوق يمكن الاقي نفسي واعرف اخرها ايه
ضلمه
مفيش اخر السكه دي غير ضلمه
مفيش غير اصوات في دماغي من حاجات بخسرها
ومرايات بكسرها
مش عايز اشوف حقيقتي
مش عايز اصدق ان كل دي حاجات مختارها
وارجع واتشد
مش نافع لغيري مش نافع لحد
السكك مفارق بتوصل لسد
المشهد اللي جاي اللي فات بيتهد
سيب اللي في الضلمه يروح لو ماتجيش عادي
خسرت من ده كتير تفرق في ايه المره دي
ومن ورا الشباك حاجات كتير تعدي قصادي
مفيش معايا شيء صور كتير ماضي
واعيش في ضلمه عشان ماشوف بقيت دلوقتي فين
لا كنت مره اتمنى اكون اعيش بسدد دين
عملت بايدي السم ادوق ومش مكفي الشيل
عشان مفيش حاجه بايدي وكله عكس السير
اخر السكه موت كان اولها موت
واسال نفسي ليه سبت الوقت يفوت
وكان في ايدي ايه انا كان في ايدي روح
وكان في ايدي اسيب روحي معاها تروح
وقربت اخسر الرهان عالروح
مش فاضلي غير الليالي وبنداوي في جروح
مفيش حاجه بتيجي استناها الا بتيجي وتروح
سبيني اعيش الباقي ليا ولا اموت
ماشي في ضلمه لا بفكر انا فين
كل حاجه انا بخسرها على ايه
وبتسالني انا فادني فيها ايه
مش هفكر اكتب ليها ولا شيء
