كلمات: داني يونس - موسيقى: فادي أبي هاشم - ترنيم: ريتا مزهر أبي هاشم

-----

كون سطوحو عم بتشيب، وكلّ نجومو مخبّايه

إلاّ نجمه ما بتغيب، بنصّ الكون مضوّايه

تشِقّ العتمه للرعيان، تدلّن ع دروب الإيمان

الربّ الخالق هالأكوان تجسّد

تجسّد ولعنّا جايي

متلي ومتلك لحم ودم، طفل زغيّر عندو إمّ

لهفة يوسف لهفة بيّ، ومريم صوبا إبنا تضمّ

لا جمرة حدّو ولا نار، عم يتدفّى من الزوّار

بيتو مغاره وصف حجار وشقفة خشبه مضوّايه

تشِقّ العتمة للرعيان، تدلّن ع دروب الإيمان

الربّ الخالق هالأكوان تجسّد

تجسّد ولعنّا جايي

جايي بعد سنين العدّ، جايي حتّى يعطي الردّ

جايي بدّو يزرع نور بعتمات القلب المسودّ

ويحكي خبريّة إنسان، عم يشرب لكن عطشان

ويقدّم حالو قربان، حتّى تصدق الحكايه

يشِقّ العتمه للرعيان، يدلّن ع دروب الإيمان

الربّ الخالق هالأكوان تجسّد

تجسّد ولعنّا جايي