نتكلم نتعاتب نتخاصم نتصالح
و الدنيا كلها بقيت مصالح
وفيها ناس بايعين
سايبين الحبل على الغارب
و قانون الشر بقا غالب
كبر و طلعله مخالب
بتنهش فى لحم البنى آدمين
الضحكة عالوشوش غابت
جابت آخرها و أتغابت
و الشر فى الحق بيلابط
وببعض مش حاسين
حاجات كتير مننا راحت
فضيت قلوبنا و ارتاحت
و حتى هواها بقا بارد
و كلنا بايعين
بنكابر و بنغالط
و خلاص القلب بقا جامد
و كل شئ يا ناس وارد
و آدينا عايشين
كلمات الشاعر الكبير عبدالله طاهر
لحن وتوزيع وغناء روني داوود
