‎ف وسط عتمة الحياه

‎جوايا نور مابينتهيش

‎ومهما كانت الظروف

‎معايا صعبه مايهمنيش

‎عمري ماملكني خوف

‎وسط الضلمه قادر اعيش

‎بموت حزني جوايا

‎و الدموع ما تعرفنيش

‎لسه واقف زي الجبل

‎ ف وش الريح

‎فارد جناحي زي الطير

‎بغني أصيح

‎بسبق زماني وعايش -

‎حياتي دون تجريح

‎والكون كله ملكي

‎بشكل واضح صريح

‎ف وسط عتمة الحياه - جوايا نور مابينتهيش

‎ومهما كانت الظروف ويايا - صعبه مايهمنيش

‎انا لسة موجود

‎في زحمة الحياة

‎هكمل الطريق

‎وامشي لمنتهاه

‎مصمم أكون موجود

‎واكمل معاه

‎وحلمي اللي بحلم بيه

‎هفضل اكيد وراه

كلمات الشاعر المبدع احمد علي محسن

لحن وتوزيع وغناء روني