يمكنّي جنيت
ماعاد عرفت حالي
ماعدت لاقيت البيت
انا اللي عمرتو و خلاني صورة عالحيط
ليش ضل في حيط على هالحيط
ولك وين البيت
بدي روح عالبيت
بس انا بالبيت
يمكنّي جنيت
كيف الحجر بيصير تراب
متل المي بالغربال
و كيف المي بيصير دم
و الدم ما لازم يصير حلال
و الحلال بيتم حلال
مع إنو الدم مغرق المال
و الأموال كل يوم بتبيع
حكي و سلاح و دموع أطفال
و الأطفال مالن بيت
و البيت بعيد و مالو حيط
ليش ضل في حيط عهالحيط
لك وين البيت بدي روح عالبيت
يمكنّي جنيت
يمكن جنيت
لأني صرت حاكي حالي
و مالاقيت و لا جواب لسؤالي
و يمكن صار بدي فحص عيون
أعوج عم شوفو لهالكون
عم صدق قصص ما بتتصدق
متل الكذب لسا الكذب أصدق
عم اسمع براسي صوات ولاد و نسوان عم بتكي
و الدنيا أعياد
و قال شو في ناس تحت الغيم بتنام
معقول هالحكي حدا
مشكلتي اني ما عم طيق
لا بقدر انسى و لابقدر غيب
كل لقمة بغصة كل ماغفيت و لاقيت حالي مرتاح ببيت
ولك إينهي بيت اللي مالو حيط
ليس ضل ضل في حيط عهالحيط
يمكنّي جنيت
