دقلو دقلّو
دقلّو دقلّو دقدق دقلّو
دقلّي ودقلّو عن كلّ شي بقلبي قلّو
خبّرني وين ديارو شدّ رحالي وشيّلو
دقلّي ودقلّو
ودقدقلي ودقلّو عن كلّ شي بقلبي قلّو
خبّرني وين ديارو شدّ رحالي وشيّلو
آه دقلّو دقلّو دقدق دقلّو
دقلّو دقلّو
أول شي مشتاقلو ل الشايلني من عقلو
بس والله بيلبقلو يوقّف قلبي ويشلّو
دقلّي ودقلّو
تاني شي متشكّر للي عنّي متنكّر
يومية الصبح ببكّر بلكي غيّابي يطلّوا
دقلّي ودقلّو
تالت شي قلّو بدّي ليلية شوفو حدّي
وراسي وراسو ع مخدّة وشو ما بدّو بعملّو
دقلّي ودقلّو عن كلّ شي بقلبي قلّو
خبّرني وين ديارو شدّ رحالي وشيّلو
دقلّو دقلّو
التلاتا بستنى بلكي يجي واتهنى
يسهر للصبح عنّا بلكي الجيران يفلّوا
دقلّي ودقلّو
الأربعا كزدورة وكلّ مطرح ناخد صورة
من الغازية ع شتورة الشوفرية تزمرلّو
دقلّي ودقلّو
والخميس السهرية لقبل الصبح بشويّة
الجمعة بهرب من بييّ وبمضّي نهاري كلّو
دقلّي ودقلّو عن كلّ شي بقلبي قلّو
خبّرني وين ديارو شدّ رحالي وشيّلو
دقلّو دقلّو
بالشتوية بيجيني بنار اشواقو يدفّيني
برمش عيونو يغطيني فرحة دمعاتي يهلّوا
دقلّي ودقلّو
بالصيفية من ولوعو يخبّيني بين ضلوعو
بيدي مسّحلو دموعو وهدب عيونو كحلّو
دقلّي ودقلّو
وببردات كوانيني منتظرك يا ناسيني
بالربيع تهنيني وإسمك ع إسمي تحلّو
دقلّي ودقلّو عن كلّ شي بقلبي قلّو
خبّرني وين ديارو شدّ رحالي وشيّلو
دقلّو دقلّو دقدق دقلّووو
