بااللّي يحكولي عالحبّ ما تصوّرتش روحي نحبّ

هكّا ربّي ليّا كتب ما صدّقت آش صار

صاير ليلي و كلّ أيّامي هايمة سارحة في أحلامي

معادش شايفة قدّامي قلبي منّو حار

يا ويلي من عينيه و الضّحكة إلّي عليه

هالسّرّ إلّي فيه خلّى عقلي منّي طار

كنت نقول آش يملى عيني كلام الحبّ ماهو مواتيني

نرفض كلّ حكاية تجيني و ما نقبلش خيار

الحبّ ثمرة قلّ وجودو قلبي ما يامن بوعودو

و اليوم فات العشق حدودو صاير ليلي نهار