حبك أحس إنه مثل هم و إنزاح .. وبتاج راسك عوّض الله فالي
واليوم إذا مريت في بالي يا صاح .. عزت علي نفسي وعزيت حالي
اناجي قلبي لاذكرت الذي راح .. واقول له دامك من الهم خالي
رح للي خان وقله البال مرتاح .. فيك وبلاك ابقى عزيز وغالي
قلبي مثل حر غدر فيه تلواح .. من بعد وكره في الفضا والعلالي
لاكن عزاه ان الله خالق له جناح .. ان حل له هيبه واذا طار عالي
حبك حزن علمني كيف اجني افراح .. غلطه ومافي الدنيا حد مثالي
وان كان طيبة قلبي جابت لي جراح .. مسموح ياقلبي ولتعيدها لي
