عيد النظر، أرجوك بس عيد النظر
والله ما جيتك حبيبي أجبرك
أنا اعتذر ان كان باقيلي عذر
وأنا اوعدك اني أبد ما أقهرك
أرجوك أبي منّك أنا فرصة عمر
فرصه ترجّع نوم عينٍ تسهرك
أرفق علي، بالله لا تنوي الهجر
ومنّي وعد يا قلبي أجبر خاطرك
جيتك أمل واحلام واشواقي بحر
جيتك سما وغيوم حبي تمطرك
يا أجمل عمر ياللي ابتدى فيك العمر
وباقي العمر أبغيك فيه و اشعرك
ايه اعشقك إن كان ما عندك خبر
واني احبك موت وجيت اخبّرك
انت الهوى و انت الهنا وأغلى البشر
يا غايتي وشلون قلبي يخسرك
