سـلام يـا دار سلـوى ومـن سكـن فيهـا
سلام يا شيخ الشيوخ اللي حضن داره
الـلـي لـيـا ضـاقـت عليـهـا مــا يخلـيـهـا
بعيونـه الشعـب الكويتـي وحبـه أختـاره
صبـاح الأحمـد نـور هالديـره و غاليهـا
رابع صباح ويا عسى الله يزيد مقداره
هذا بو ناصر راعـي الحكمـة و راعيهـا
يشهد لـه التاريـخ وجـوده عمـر ديـاره
يسلم بو ناصر راعي الطيبه ومافيها
صباح رمز الطيب و المعروف مختـاره
ياشيـخ عيـدك نـور الدنيـا و لياليـهـا
مبروك عيدك يا عساك تعيـد تذكـاره
