أحبك كذبةٍ بيضا عشقتـك عشـق بعـد وقـرب
وغنّت صوت قلبي لـك اشفـاهٍ تجهـل اسبابـه
اموت بنظرةٍ منّك وينبـت فـي دروبـي عشـب
إلـى منّـه شربنـي صوتـك الفتّـان واحيابـه
عظيمه هالقلـوب اللـي تحـب وخافـقٍ ماحـب
حياته وش حياته لـو يمـوت فراقـه أولـى بـه
أدوّرلك كلام أجمل ولا اجمـل مـن كـلام القلـب
وعمـر القلـب مايكـذب نهـار يحـدّث احبابـه
اطيّر لك حمـام البـال وافقـد كـل ليلـه سـرب
يمسّيـه الـورق فـي حضنـه الدافـي ويدفابـه
شعوري لـو نثرتـه للهبايـب كـل جـرحٍ هـب
وعنّيت الهوى واهـل الهـوى والحـب متشابـه
حنين وشوق واحـلامٍ كثيـرة والحقيقـه عـذب
حلاته في عذابه مـن دخـل دنيـاه يشقـى بـه
عظيم الحب وانت اعظم وانا اعظم من جرحه الحب
حياتي عطرها نزف الشعور اللـي مـن اسبابـه
