من كثر عثراتي .. وخيبات العمر
وغدر الحبيب .. اللي غدى ماهو حبيب
ماعاد فيني حيل .. باقي أو صبر
وحالات حزني .. فيني تودي وتجيب
تلعب بي الأهات .. وإحساس القهر
من قسوة الإحباط .. والحال الصعيب
من قال بالدنيا .. بشر توفي لبشر
واللي تحبه .. فيه ظنك مايخيب
لا والله الإ الغدر .. يتلاه الغدر
والحب كذبة .. بين شك وبين ريب
واللي تحبه .. ليش يطعن في الظهر
وترى اصعب الغدرات لاجت من قريب
صار الوفاء نادر .. وغلطاتي عبر
والعمر في طوله وفي قصره .. كئيب
ماعاد افكر في حبيب .. ولا انتظر
مثل الغريب .. اللي مفارق له غريب
والليل هذا .. لا نجوم .. ولا قمر
وأشيائي الحلوه .. عن عيوني تغيب
لا حولي الميناء .. وأنا وسط البحر
وفي زحمة الأحزان .. قلبي مستصيب
عزاه .. يا عزاه .. يا خيبة عمر
وعزاه .. ياقلبٍ .. غدى ماله حبيب
