بيارق مجدنا فوق القمم واثر العدو محتار ..

ترفرف للسحاب وعين خلق الله مختاله

قنصت أرض الخيال الجوهر النادر وجات صغار ..

على اسمك ياقطر هاجس قصيدي بيّن افعاله

يفز بداخلي مجدك وجيتك من غلاك أشعار ..

من دلالك تقهويت القصيد وخذت فنجاله

ياقصر البحر بك شيخٍ سكن فقلوبنا واختار ..

مكانك،، ياقصر !! حدب الظلوع وغالي آماله

تميم اللي رفع بيده هموم صغارها وكبار ..

من اللي صدّرت باسمه أوامر والحمل شاله

تميم اللي مشى بارض الوعر والصعْب والاخطار ..

إلين استسهلت كل الدروب ونوَخ جماله