البشاره عيونك بشرتني بوصال
خفت مني علي إني أصير الحسد
كيف ما وصـلك قبلي لين قلتي تعال
ثم أوصلك بعـدي كـلي قبل و بعد
فيك واقع تحـدي كل حسن الخيال
و بك خيالٍ ولا عمره طرا فـ بال احد
و بك سلام يرسخ فكرة الإحتلال
وبك سنابل خذت من كل ريحي وعد
إنتي كنك سؤال قبل يصبح سؤال
إنتي كنك عدد ما نوصله بالعدد
إنتي الصعب كلـّه في كفوف المنال
انتي ما فيه مثلك لا أبد لا أبد
إقبلي خلّي ظلينا تلاقى فـ ظلال
إنزعي كل روحي والبسيني جسد
كنّي الحاكم اللي ما يجي له عـيال
و غافلته الليالي و بشرته بولد
