انا وحدي معى نفسي تسلّيني واسلّيها

لقيت وصالها جنّة واحسب ان البلا فيها

انا كامل ولا احتاج الى حاجة تكمّلني

انا روحي تكفّيني عن الدنيا واكفّيها

ولا احتاج الى رفقة تعذّبني واعذّبها

ولا خيبة من احبابٍ على نفسي ابدّيها

ولا طعنة ولا غبنة ولا كلمة تعوّرني

ولا بسمة ازيّفها ولا دمعة اخبّيها

انا وحدي معى نفسي تسلّيني واسلّيها

لقيت وصالها جنّة واحسب ان البلا فيها

انا تحتاجني نفسي تناديني تبي قُربي

تناديني وانا لاهي ادوّر من يناديها

حياتي كاملة فيني انا اللي بس اكمّلها

ولا غيري بيمْليها لو انّي مَقدر امليها

حرام استرخص احساسي

عشان اتجنّب الوحدة

وادخّل نفسي بقصة

تعيسه و ايش ابي فيها

واذا ربي بيكتب لي

علاقة صادقة تسوا

اكيد انّي باقدرّها

واقول الله يحيّيها

انا وحدي معى نفسي تسلّيني واسلّيها

لقيت وصالها جنّة واحسب ان البلا فيها