دي أخر الحكاية بالذوق قالولي أتفضل إمشي
لو سألوا فيا فضلت أجاوب إجابة كاملة مبجاوبش
لما كان سؤال يعصلج أفتكر إن أنا كنت خايب
مفيش ف جيبي كارت لحد واصل
البيت غلابة ميدروش باللي حاصل
ثم أن الخيبة وحشه لما يبقى مفيش نصيب
ثم أني وبالأمانة لسة برضو خالي جيب
وف بلدنا وبصراحه زي ما أحنا الفقر عيب
أحقاد على لقمة عيش
اللي سابوها ع الله عمرهم ما أتكسروا
على رزق الكسيب
محدش بيضمن قدره
مره الموجه تحدف حاجة حلوة
لا للأسف
أن يسيبوا حاجة بين إيديهم العشم منهم إتكسف
قلت الله غالب
وحده عالم
أنا عقلي مش خايب
في نقطة خير بجري كاتب
بتعايب
على غلط مش غلطي
شروخ تحاوطني
أتحطم ساكت بركان خامد
شعر شايب حاضر بس غايب
الحاكم مش متغير في مصلحته متنكر
مستكتر في الأزهر
مستشيخ متسحمر
يجي اسمك
تلاقي دراعي متشمر
سجني ف دولة عامله زي العنبر
الحاكم مش متغير في مصلحته متنكر
مستكتر في الأزهر
مستشيخ متسحمر
يجي اسمك
تلاقي دراعي متشمر
سجني ف دولة عامله زي العنبر
فضلوا وعدوا فينا ياما
أى كلام وأي حاجة
يضحكوا بيه ع الغلابة
حتى أني لسه بكدب
ناسي معنى الإبتسامة
أيوه يعنى كل م أضحك
تلاقيني جوه مني
لسه بحسب
لسه بجمع عاللي باقي وأطرح ع اللي عدى مني
ألقى أني
مفيش معايا
ألقى أني
الكل فاتني سابني
ومش حاسبني
حتى أني خلاص همشي
خايف أن العمر يجري
أبص ألاقيني قضيته كله
ف دول يبيعوا
و دول يقلوا
كاسر كل حاجز خوف فرضه ليا عقلي
قولي مين يشبهني
بحرك إيديا
بخيالي برقص لحزنهم
غدر ف كل شبر مبقتش بحبهم
مش زيهم
عالي على تفكيرهم
يلزموا حدودهم كلهم
ب جيش هدهم
إتعلموا الغش
بقى كله ب ألف وش
لعقولهم بـ فُوق مش
فـ حيائهم بخدش
مهو قليل الأصل يوماتي ف الحق بيطنش
الحاكم مش متغير في مصلحته متنكر
مستكتر في الأزهر
مستشيخ متسحمر
يجي اسمك
تلاقي دراعي متشمر
سجني ف دولة عامله زي العنبر
الحاكم مش متغير في مصلحته متنكر
مستكتر في الأزهر
مستشيخ متسحمر
يجي اسمك
تلاقي دراعي متشمر
سجني ف دولة عامله زي العنبر
