أختي حبيبتي المغلباني
ماعدتش اقلق عليكي تاني
عاشر مرة وانا باتصل ردي
عاشر مرة في ربع ساعة
وانا حاطه على ودني السماعة
ما تطمنيني وتريحي قلبي
أختي حبيبتي المغلباني
ليه دايماً بتسيبيني ارن
أختي حبيبتي المغلباني
أختي حبيبتي المكتفاني
ماتحركتش انا من مكاني
مكان ما كلمتيني آخر مرة
بس انتي اتأخرتي عليا
حاخلص اللي ورايا وجايه
ليه ب ِتقلقي نفسك انتي وانا برة
أختي حبيبتي المكتفاني
أنا مش بيبي, ماتقلقيش
أختي حبيبتي المكتفاني
سيبيني وحدي أعرف أعيش
من واحنا لسه صغيرين
كنا دايما مختلفين
وانا عايزه أبقى حرة
ماقلقش ازاي وانا قلبي عليكي أنا شفت كتير وانتي دايماً بتقولي إني مش فاهماكي مع إننا بينا ولا ألف حكاية
بس غاليه عليا وعلى زعلك أنا ماقدرش
أختي حبيبتي المربياني
لو شفتي الدنيا من مكاني
لو تعرفي هي قد إيه حلوة
أما انتي صحيح مش عارفاني
دأنا شفت اكتر وانا فمكاني
وحافضل أقلق عليكي يا حلوة
أختي حبيبتي المثبتاني
بقى معقول انتي هي دي
أيوه يا حلوه يا مغلباني ولما اتكلم ردي.
