ياللي انتا بتشكي م الدنيا وهمومها ... و مستلمها عتاب ولوم
مشكلتك مش نهايه الكون .. اخرها اكيد مسيرها هتروق في يوم
وارمي تكالك علي الله وسيبوا هوا يحلها .. هوا اللي لوحده عالم بالعباد الله الله
ماتقولش انا بختي مايل و تعيش تحسب لها .. دي النار بالليل تبات تصبح رماد الله الله
غيرك بينام جعان في البرد محروم م الدفا... لكن بيقول يارب و يحمدوا
اتفاءل باللي جاي هتلقي حزنك ده اختفي .. قلبك ع الفرح دايما عودوا
لما انتا مخاصم الايام وصاحب دمعتين ... هيروح عمرك علي الفاضي كده
اضحك للدنيا تضحكلك بدال الطاق طاقين ... راحه بالك هتيجي من الرضا.
