بنقضي سنين عايشين في الحياة عشان نفهمها

في اللي بيعها خالص واللي باع أخوه عشانها

عشت فيها سنين و العدد 29

أي نعم مش كبير بس شوفت فيها كتير

مش فارقة ان كنت مسيحي مسلم بوذي او يهودي

غني أو فقير مستقيم أو حتى لوطي

كلنا هنكون في الأخر موجودين في نفس المكان

متر و نص تحت الأرض صندوق خشب من غير ببان

عايش تضحك على النفوس عشان الكل يبقى جنبك

أضحك على أي نفس اياك تضحك على نفسك

لازم تبقى عارف فاهم هارش ايه الحكاية

محدش في يوم هيفيدك قد الشخص في الماية

أكل العيش مر الشغل عمره ما كان عيب

عيش اسعى و احلم كون قرش يكون في الجيب

قاضي بواب بقال دكتور رسام فنان شيال

أجري انت و اتعب المهم يكون حلال

عشان تعرف انت مين حدد اهتماماتك

صحابك أخواتك أهلك انت و ناسك

الشخص من غير أصل حالته شبه الأرض البور

مفيش شجرة بتطرح غير لو ليها في الأرض جذور

عقلك السليم موجود في جسم شبهه

مقولة من سنين بس الشب الجوب قدره

أفرك يابني ولف وولع السجارة

العمر بيك بيجري ان كنت في فيلا او في حارة

النجاح في أي حاجة أصله الأتزان

ركز يابني و أسمع حاول تفهم الكلام

أتمنى لغيرك الخير تلقى الرزق جالك عندك

عامل الناس بضمير تلقى الكل يبقى شبهك

أفهم ان الكره هو عدم ثقى في النفس

وشين لعملة واحدة راهن بيها هتخسر بس

أعرف ازاي تختار مين يكون في الدايرة بتاعتك

الصاحب مراية صحبه لازم يكون حد شبهك

أمشي في أرض الدنيا شايل ربنا جواك

نعمه كثيرة عليك سبحانه من طينة سواك

الصحة الرزق العدل الحب نعمة

الكره الغيرة سمات في القلب يعمى

مفيش حاجة في الدنيا هتجيلك سهلة ببلاش

لو نفسك انت فيها أخطفها و متستناش

العمر بيك بيجري واللي راح في يوم مجاش

فهمت قواعد الدنيا ولا كلامي راح بلاش