بعد الوداع
الوقت مش عايز يمر
بقى كل شيئ للخلف در
حتى السكوت بقى طعمه مر
والحزن ساكن ضحكتي
بعد الوداع
تاه مركبي ف بحر الحياة
حتى الدليل احتار وتاه
ومشيت ف مليون اتجاه
ملقتش فيهم سكتي
كل الفصول صبحت شتا
واتقفّلت كل البيبان
كل المشاعر ميّتة
حتى الأمل رافض يبان
لا الشمس بتنوّر ولا
بتدّفي بيت ساكنه الأسى
وانا وانت بندوّر على
إحساس قديم مات واتنسى
بعد الوداع
الذكريات اتجمّعت
شافها اللي باقي ف عمرنا
سهرت عيونه ودمّعت
على حلم كان عايش هنا
بعد الوداع
ايام زمان متنسانيش
وكأنها رفضت تفوت
بعد الفراق مضطر اعيش
مع أن يوميا بموت
كل الفصول صبحت شتا
واتقفّلت كل البيبان
كل المشاعر ميّتة
حتى الأمل رافض يبان
لا الشمس بتنوّر ولا
بتدّفي بيت ساكنه الأسى
وانا وانت بندوّر على
إحساس قديم مات واتنسى
