حاسة اني في مود رايق وجديد
وبعيد عن كل الناس
رامية الحسابات ورا ضهري بعيد
ومسلِّمه للاحساس
وده وقتي اني اخد وقت اعمل كل اللي بحبه وبس
وكلام الناس انساه وماقولش غير انه كلام الناس
انا عايزة اسيب نفسي واسيب الدنيا واغني
محتاجة اقعد ويايا شوية ونتكلم عني
عن فرحي اللي مستنياه
عن يوم عيشته وماقدرش انساه
احكي لنفسي الحكايات وكمان اسمع حكايات تانيين مني
احساس في خيالي سنين شايفاه
محتاجة ادخل جواه
امسك بايديا في ايد قلبي
واتمشى شوية معاه
اهرب لمكان جوايا بقاله سنين محتاج يتحس
ده القلب اما بيرتاح يقدر يخلق في حياتنا حياة
