منزلك ما بين الحنايا والاهداب
وموضعك مني ياحبيبي مكاني
الحب يبقى لك ولو ناظري غاب
يا اغلى وارهف من سكن في كياني
نحيا على مر الزمن ربع واحباب
والله لا يحرم زمانك زماني
من كثر ما تهوى وانا اهواك الاعجاب
احتار فيك وصار شوقي اغاني
وحبر الغلا يا كم يذرف حناني
للحلم مع طيفك مواعيد واسباب
حتى ولو تهيع عيوني ثواني
وصلك مهاجر واللقا وصلك اغراب
وتبقى الضيا في عربتي والاماني
انته بخفوقي صاحبي وصل وغياب
لا البعد عنك
لا التلاقي كفاني
لاجلك فتحت ابواب
وانسدت ابواب
معنى الموده لك عيون المعاني
وتعلم بانك صاحبي زد الاصحاب
واحد ولا في القلب والروح ثاني
لا مات حبي
لا ولا يوم فاني
تبقى لحروفي دايم حضن وكتاب
يا بحر موجي
هاجسي والمواني
يا كيف اخفي الجرح
والجرح ما طاب
يا طب جرحي منك جرحي واعاني
اسال ضميرك خاطرك واحسب حساب
اذا صاحبك مجني ترى الحكم جاني
