ما دام إن الزمن قاسي ومدات الليالي شحاح
ترا ما للفقير إلا يمد إيده لخلاقه
وأنا من فضل ربي عشت في وقت العنا مرتاح
وإلى جار الزمن ما قمت أحاتي نوض براقه
لو إن قفل الزمن ما له مع بعض العرب مفتاح
تشوف الناس ما به واحد طعم السعد ذاقه
وما دام إني على أحسن ما يرام وخاطري منساح
في موضوع الزمن ما فيه داعي نكشف أوراقه
رعاك الله يا للي طال صبري لين سدي باح
وقلبي في إيدك بابه ومفتاحه ومغلاقه
أسوق الرجل وأقدامي على درب الغلى سراح
وقلبي في غلى حضرة جنابك ما أحد عاقه
عطيتك من بعض روحي على خبر القلوب صحاح
وبديتك على نفسي بشيء يصعب إنفاقه
وفي كسرة عصى تزعل وتحرق شجرة التفاح
وتكويني على الظلع القصير وتنضج احراقه
تعال وعالج جروح الحزين وكل شي راح
تعال وجدد أمالك ترى الأيام سراقه
سرقة القلب وأثرك معتبرها سرقة المزاح
حد شافه ضحك وانماح حد شافه رقع ساده
