على مين جايين هتخرفو
لو جن اتحضر نصرفو
كاشحين اندال وبنعرفو
فايقين ليكم اوي
راجعين من تاني نجرحو
اللي يقرب هنا هدبحو
ورجعت انا ملعبي
جيت بطولي واقف انتو فين
دانتو اوزي لساكو نيين
فوقت ليكم وانتو نايمين
الحكاية مش خلصانة ودي
يلا بينا اكشن الحروب
عمري يوم ما اطلع مغلوب
دانتو تلج ساح اخره يدوب
مين اللي قال هيسندل ضدي
هتضيعو لو جيتو تكترو
الحمله بتاعكو مسنطرو
على بابا جايين تتغيرو
غورو وابعدو عني
لما ليكو امنت تلفتوني
شايفني فريسه هيكلوني
راح اموت كلو هنا سبوني
حضر ياناس جني
هي نكشه طلقه فالنافوخ
واللي يجي عالسكه يدوخ
اربيجيه وحشوه كان صاروخ
والجثث هتطير فالجو
ياللي عدت زدت فالكلام
اخرك انت هتقوم وتنام
جي راكب انت عالسلام
اوعى تعمل فيها العو
اوعى تعمل فيها العو
مشكله وحدفت القنبله
انا نازل ازلزل زلزله
تعلالي يالي بتتعالى هراضيك بزيادة
مش صايع ولا حابب اكون برم
اللي ظلمني هيتظلم
مش شايف فيكو ايوها علم
ابعد يا حماده
كله يركن اصلي جيت حضرت
لما باجي انت اتكدرت
روح وهات رجوله هاتها فرط
دي الرجولة عليك مش لاقيه
عقلي ثار وجوه في مجره
انتو مش نافعين ولا مره
دا الرصاص جايبه حوه
والرجوله معايا دي رايقه
اصرفو وبلاش بقا تكرفو
انتو هلاهيل وهتختفو
وتقولو كلام بتألفو
فضري هريتوني
ملاعين تعابين متشكله
انا هعمل ليكم مشكله
انا حمله لوحدي ومعجزة
وانتو عريتوني
كل حاجة تمشي بالنظام
جاي اكسر هنا فعظام
انتو ناس عويله مش تمام
شكر مش هتشكر فيكو
شكر مش هتشكر فيكو
مطواه قرن شديت دبلتها
والعيال هتروح على بيتها
دول عيال شمال وجت ساقتها
يبقا لازم اني اربيكو
يبقا لازم اني اربيكو
تتشالو وتتهبدو وتشتكو
اطخنكو واهشتكو
انا عالي عليكو انا عمكو
مالكووش ديه
موجود عالساحة لاجلكو
علشان احرق يلا دمكو
عمركو فيوم ما هتسلكو
عندكو غيه
