يا حسرة عليك يا دنيا .. فيكي حكاية وحكايات
ساميني وقعدي حدايا .. واحكيهم لي بثبات
علاش هكذا حاقدة وسميّة ظلي تبدلي في الصفات
تعذبي فيا غير بشوية .. عييت من عذابك بركات
تلعبي بيا ولا معايا .. جاوبيني علاش هاد السكات
قالوا لي عليك مسرحية .. أنا المسرح سكن لي في الذات
التذكيرة خاصتها غالية .. ديت معايا شي وردات
دخلت للقاعة صفقوا عليا … طلع الستار والضو طفات
لقيت روحي في تمثيلية … والديكور خوف ودموعات
طمعنيني ودرتي عليا … عندي جدي بالصحبات
يا حسرة عليك يا دنيا … فيك حكاية وحكايات
ساميني وقعدي حدايا … واحكيهم لي بثبات
علاش هكذا حاقدة وسميّة … ظلي تبدلي في الصفات
تعذبي فيا غير بشوية … عييت من عذابك بركات
شحال من سلطان كان في دنيا … جيوش الأمر وطيعت
مال وعز قصور وسرايا العسة … عليه بالالوفات
غفل غفلة تقلبت الحية … فليلتي ماصاب وين يبات
ذوقتي فلان عسل وفلكية … وفلان شمختي لو الفنات
فلان حرمتيه من الذرية … وحياتو من الفرحة اخوات
فلان طلق زوجته المسكية … زعف لما جابتله البنات
يا حسرة عليك يا دنيا … فيك حكاية وحكايات
ساميني وقعدي حدايا … واحكيهم لي بثبات
علاش هكذا حاقدة وسميّة … ظلي تبدلي في الصفات
تعذبي فيا غير بشوية … عييت من عذابك بركات
المسجون يرجى الحرية … بالدقيقة يحسب لوقات
الشهار يحلم بالشهرية … يا حليلو مولا وليدات
كبدة لميمه مشوية واش … سهرت واش ربات
على وليدها بدل الجنسيه … عجبو زين الروميات
خلي يمام وحدانية … من البكا والحرقة تعمات
باش يبين الرجولية … بعث لها زوج محرمات
يا حسرة عليك يا دنيا … فيك حكاية وحكايات
ساميني وقعدي حدايا … واحكيهم لي بثبات
علاش هكذا حاقدة وسميّة … ظلي تبدلي في الصفات
تعذبي فيا غير بشوية … عييت من عذابك بركات
يا حسرة عليك يا دنيا
يا حسراه عليك يا دنيا
