الكورس :

لسا ما يئست لسا ما انهرت

عم حارب الكآبة لهيك انعزلت

فتت عالراب لأخلص من كبت

كلو بينساك بسرعة لو متت

القلم بأيدي كصاحب مو خاين

فبيحكي يلي بقلبي من وجع مو دايم

مستوعب الدمار يلي وصلتو من وهم

رح ضلني عم اكتب ليغمض هالجفن

الفيرس 1 :

الحقد مقيم واقع لئيم

محيطنا بيرفضنا بنقاشو العقيم

قولاََ عظيم قطعاََ مريب

جهر بالمحبة انو منقطع وريد

منلبس قناع منخدع بريء

منحمل سكينة و منغدر صديق

ميلادك اليوم عمراََ مديد

مملوء بالكذب عنفاقك تجديد

هون المعاني بكلماتي بتحكمني فبقيد افكاري لأنها لو تطلع

رح تلسع اي مخادع من الأقارب عقارب الساعة بعمرا ما بترجع

لهيك بتصدق لما اذوني ضليتني ساكت حتى بدون اي ردة فعل

بس رجعت مع نجاحي و ارتفعت لاني حطيت حكين أسفل النعل

بتعرف لو ألف واحد قلك صاحبي مو يعني صار الك سند

متل لما تربي شبل بينكر خيرك و بيغدر فيك بس يصير أسد

بيشبعك كلام بدغدغة عواطف انت شريكي بيفرقونا بقبرين

صاحبي الف وش الو اي ماكنا خالصين بوشين

الفيرس 2 :

خدعتني النفس الخبيثة لأفهم

الثقة مو سلعة لا تشرى بل تدفَن

المحبة بتجيك بغزارة بالفعل

مننطر لتمطر و مننسى في وحل

مننسى في وحل مننسى في وحل

بزمانا صار نادر تلاقي في عقل

جلدنا بحالنا بس شفنا اغلاطنا

و بدل ما نصلح لمنا أقدارنا

افكارنا تحدتنا فمنسح هالماضي و الصدمة بس تعرف حاضرنا كلو فاضي

فمنصنع القيمة بايدنا لنقبل هالواقع التافه بأركانو و الجاني

لي قلك حبيتك من قلبي و بيغدر لما أمنّتو بضهرك فبتشكر

نفسك لي نهارت من الصدمة عالثقة فبتبقى بقية حياتك مو صاحي

قلت شكيت فضحكوا عمصابي

بيكفي عشت وانا ماسك أعصابي