انت غيرك مابقالي
يادفى روحي واماني
الزمن ذا ماصفى لي
الرجى بك والاماني
لاتخليني لحالي
خايف اتدهور واعاني
يابعد عمري وحالي
الك شكري وامتناني
جيييت نورت الليالي
والرسايل والاغاني
منك راضي باحتلالي
حِل مابين المحاني
خلك اقرب من ظلالي
عمرنا لو طال فاني
في العواذل لا تبالي
خذني بصادق حناني
فيك ايات الجمالي
وفيك تحتار المعاني
انت من وحي الخيالي
زينك يلخبط كياني
لين واسلوب ودلالي
تزعل الغيد الحساني
والله انك راس مالي
كيف ابدل بك بثاني
