الرٌوحْ روحْ الرِّيحْ في جسمْ لِـ حصانْ

والجسمْ جسمْ حصانْ مخلوقْ منْ ريحْ

لهْ في السِّما ميدانْ منْ غيرْ جنحانْ

لمحْ البِصَرْ ما يشافْ شوفهْ بتلميحْ

ما ينقصَهْ برهانْ راهنْ بهْ إرهانْ

يومْ اللِّزَزْ يسبِقْ رواعي التًلاويحْ

حلجِهْ وسيعْ وللنِّصَخْ نفثْ شيطانْ

جَرِّ النِّصَخْ نفًاثْ ما هي تضابيخْ

محمولْ في موجِهْ لها شَطِّ ما بانْ

كنِّهْ يزورِجْ بأزرَقِ الموجِ سَبِّيحْ

ما كلِّ فارسْ رامْ سَرجِهْ ولِعنانْ

واحدْ منْ الميِّهْ يرومَهْ ولا يطيحْ

شوفَهْ يريحْ العينْ لهْ وجهِ ما شانْ

وفعلِهْ يخلِّي منْ يسوسِهْ مفاريحْ

سيد الرمك وهو الذي للخيل سلطان

هوُ رقمْ واحد والبجيِّهْ مطاريحْ