الساعه في لندن تشير الى ثمان
وفي دبي بين العاشـره والحاديـه
زعيمه التقدير اميره الامـتنان
لهـا قلوب اهل اغرام مـفاديه
عشـقتها عشقٍ يغذيه الحنان
ومشاعر الفرحهـ في وجهي باديه
ياللي لك خيول الغلا مبلا عنان
ترقص على صوت التلاقي عاديه
من كل شي في كل شي في رهان
و على نساء الارض انتي غاديه
وردة نهار من فـوقها غصن الليان
متفـتحه واوراقها متـقاديه
اول ما تسمع له صحت والنور بان
تغرديت طيـور الصباح الشاديه
قبل يظيع العمر شوفي لي مكان
جلسه خصوصيه وناره هاديه
خلي عقارب ساعه اوقات الزمان
رغمٍ على اهل الحضره والباديه
توقف الدنيا من الساعه ثمان
و انموت بين العاشره والحاديه
