إقرا كتاب التاريخ هتعرف مين يكتبه، مين يقتله
نجا الكاتب لو عرف إن مفيش حاجة تهمله
اعرف صحاب الحق تعرف مين عايز يكتمه
بيتكتم ف عالم ناسه عاشوا كتير في حقوق يهملوا
أرض النفاق و ناس فقيرة الجوع يصيبها
أرض العطش.. و المايه مبترويش صاحبها
و جهلاء فهموهم إن ده المكتوب نصيبها
لأجل يرضوا بالبواقي و باقي إيه من طبق مغتصبها
العلم بالدين جهل و دين العلم سهل
و شباب الأمة كهل و الأهل محتاج أهل
و من هم أهل الحب كفروا بداعي الهوى
نكفر سوا بدنيا أنعش حاجة فيها حقنة هوا
قيمتك في إيدك في البشر سماسرة و بورصة
عرق جبينك أرخص حاجة فيها ثور برخصة
و نص دينك إيه م تلاقي الأول يسطا نصك
أهل العلوم إنتحروا و أهل المال سلطان و نصة
دور في الضواحي تلاقي ناس كتير شبهنا و تحف
الدنيا ماشية مهما وقعنا و مهما كنا بنقف
يقف زمننا لأ بس نعيش في ضلمة ترب
في ضلمة غرف تتكتف حياتنا ضلمة ترا
x2
ككونك عالة يعد الانتحار من ذوقك
مفيش فضيلة باقية غير فضيلة موتك
و لو عالتوبة ربك يقبل أي توبة
و صورة موتك هنبدلها بصورة
Kodak
أرض الفضيلة باهتة و الديستوبيا لونك
و مهما الأرض وسعت مش هتسيع لكونك
تلف بلاد و بلادك ماسكة فيك لكونك
تحيا بمخدر فيها عايش يحيي يومك
مفيش فضيلة فاضلة فيضان الفيض أقربلك
لو اللي فاضل فاضل ف كل ده من فضلك
جو النضال بقى باطل ف ياريت تبطل فركك
شغل اليمين بقا عاطل و شماله ده بقى دربك
كل البلاد بقوا واحد مفيش بلاد بقوا برا
بيع البادئ تكسب بيع الشرف بالمرة
كل العيون مش شايفة مفيش فايق ف المرمى
ديانة الدين يدان اتبدلت بال
karma
الدنيا فانية.. و ف ثانية نسيتها
خيال مفيش يتوبيا.. الواقع يثبتها
مش عايز أبان مثالي ذنوبي عارفة فين آخرتها
و القصة فيها لسا بس أعيش ل امتا أسردها
ككونك عالة يعد الانتحار من ذوقك
مفيش فضيلة باقية غير فضيلة موتك
و لو عالتوبة ربك يقبل اي توبة
و صورة موتك هنبدلها بصورة
Kodak
