شو مشيتك؟ نقطة ندي شفاف
فيها الانوثة، والحلا تجلّى
شو ضحكتك؟ رشة دلع ع شفاف
منها الحكي ، عم يخلق محلى
عمري بدفعلك بخشيش
ع قلبك خليني فوت
بقلك يقبرني ت عيش
بتقوليلي فيي موت !!!
شو بدي قول واحكيلك
كلك ع بعضك دخيلك
شو تأنى الله بتفصيلك
عالبكلة جسمك منحوت
شو غمرتك ؟؟ يعني ملكت الكون
وصفى على جسمي العطر عطرين
شو لمستك؟؟ خلت ل عمري لون
وصار العمر انتي ومعي عمرين
ما بعمرو احساسي خان
شفتك قدامي جنيت
وبروحي ولع البركان
واعصار بقلبي حسيت
مع برمة خصرك عم موج
ريتو يسلملي الغنوج
من حبك كيف بدي ضوج
فيكِ اختصرت النسوان
