عمرى .. عمرى ..عمرى .. اه يا عمرى

قلبى .. اه يا قلبى ..

عمرى هو فين عمر وقلبى هو فين قلبى ..

قلبى بينحرق .. عمرى بينسرق

انت يا حزن عنى .. عنى هتفترق ...قلبى..

عمرى كلمتين .. الحزن والأسى

قلب دقتين ... عشهم واتنسى

قلبى

يوماتى نسهر صباحى انا والهموم ويا جراحى

وبتواسينى دموع العين والكل نايم وانا صاحى

كتر البكا طفى الشمعة ..مبقاش ف عينى ولا دمعة ..بصرخ يا عينى واقول الاه الدنيا نايمة ومش سامعة ..يا عينى حزنى منشفنى مش لاقى دمعك يسعفنى ..شفيلى حد يكون مبكاش وعنده دمع يسلفنى

مليش حبايب وبناقص القلب دايب مش ناقص

دا العمر راح ومعرفتش فية غير الخاين والناقص

البخت من الاول مايل ومن الزمان شفت هوايل ولا شفت طيب ولا معروف ولا حد ليه عندى جمايل

مين اللى زود احزانى والحزن خدنى وودانى ..سكة مرار وسط النار على شوك مولع مشانى

بحر المرار كله شربتة وكتير مرار اتعذبتة

وكتير ظلمنى البخت معاه لا اشتكيت ولا عاتبتة

عمرى اللى باقى ملوش قيمة ولا اللى راح كان ليه قيمة ولو فتحت القلب كمان ما تلقى فية حتة سليمة

بنيت حياتى طوبة طوبة وشقيت بقولا وبفولة هديت كمان اللى بنيتة والطوبة جات فى المعطوبة

البخت ليه بينة وبينى معرفش لية بيبكينى وكل مرة اشكيلة الحال يقول ياريت كان على عينى

الحزن لو كان من ميه وله امتحان واهمية

اخد انا 99 والدنيا واحد ف الميه

يا مفرق الحزن كفاية تعالى خد من اللى معايا ان كنت عايز هم اديك ...عندى الهموم ما ليها نهاية