صار امرك يا وطن بيد الغزاة
همة اصحاب الفضل بللي يصير
عطشوا جرفه...عطشوا جرفة...ونشف مايه الفرات
ودجلة راح يعيش بي نفس المصير
وهذا...هذاا...وهذا انا السومري...ابن الحضارات
يردوني ارجع ليورة و اصبح اخير.
وبعض من الساسة............ ........اووووف يابة
وبعض من الساسة صدرلك قرارات
يكول لو ظل العلم فد شي خطير
وبعض من اللي اجو يتلفظ عبارات
يكول تقسيم العراق الحل الاخير
درفرف...درفرف يا علم فوك السرايات
بلكي بيهم يا علم يصحى الضمير
كافي...كافي ارجوكم و بسكم خطابات
الشعب باجر ترة حسابه عسير
تردونة نعيش العمر كله انفجارات
يومية قتل...يومية تدمير
ابطال...ابطال نشوفكم بس باللقاءات
وينة...وينة ...وينة الي يكدرلكم ساعة التنظير
اذا ببيناتكم يومية تهديدات
واحنا بنص بلدنا وصاير التهجير
بينا وببين الدول.
يمة يا يمة يا يمة...يمة من اكول اسم العراق ينعصر قلبي يا يمة
ببينا وببين الدول صارت مسافات
احنا النا الدمار..والهم التطوير
ربح ماكو...العمر كله خسارات
والوضع نفس الوضع شو ماكو تغيير
لايك عالبعض ثوب الخيانات
مفصل ويلمع عليهم كالحرير
صار امرك يا وطن بيد الغزاة
وهمة اصحاب الفضل بللي يصير
يمة يا يمة يا يمة ...يمة يا يمة من اكول اسم العراق ينعصر قلبي يا يمة
