يعني لو مكنتش انا عرفت مـكنتيش هتقوليلي
وقت ما انا اديتك قلبي قلبك كان مع حد غيري
بدل الفرصه الف و برده بتسبيني
انا تهوت فـ ذكرياتي اكمن قلبي كان دليلي
و الغلط عدي , خسرت نفسي عشان ترجعلي
الحزن لو كان سبني مكنش اتبقي حاجه فـ قلبي
محدش فينا مبيغلطش الكمال لـ لله
انا موت كتير بسببها فـ اكيد دي مش حياه
دفعت التمن عمري اصلك كنتي غاليه عليا
الدنيا مسودتش .. انتي اللي مشيتي يـ نور عنيا
الحزن فـ قلبي معشش , هو انا صحيح متحبش!؟
كلامها كان رصاص قتلني وهي يدوب كانت بتهوش
الزعل كوش علي اللي فضل مني بعدك
و لو عتابي تعبك هسكت ليك رب يحسبك
مش هزعل و هدفعك تمن زعلي غالي
شوفتيلك حد تاني؟! و سبتيني فـ حيرة الليال
مدحت صالح
سبتني في حيرة الليالي , سبتني و ما دريت بـ حالي
بسألك مجروح سؤالي , نفسي الاقيردود
مستحيل انا كنت افكر, ان قلبك بيا يغدر
و انك انت بـ كلمه تقدر تمحي كل وعود
حاكم_
وعود و اتنست .. حقيقي مش بوحشك؟!
طب هو سؤالي صعب؟! ولا مليش الحق اسألك؟!
يارتني بعرف انسي انا مبلي بالتفكير
انا كل املي انام انشالله حتي انام قاتيل
سكت محدش سأل , حكيت محدش سال
كل اللي قال معاك كداب مكنش قال لو عمل
بحس بخيبت امل لما بفتكر اللي كان بنا
بنشوفها فـ كل وحده ازاي يقلبي ده عيب في عنا؟!
حياتي وقفت بعدك , بس عمري كان بيجري
وكل مروح مكانا القي الحزن هناك قاعدلي
بس محدش حس سمعت همس قالي انسي
الدنيامش هتديك حاجه انت كنت عايزها
بعدت عشان تعبت و قولت اكيد البعد خير
وانا مكنش فبالي ساعتها اسهر و اكبلك بليل
كان بنا حاجات مشتركه قلبي اتباع و قلبك باع
شوفتيلك حد تاني من الطبيعي تقولي وداع
مدحت صالح
وداع! بقي جي تقولي وداع؟!
يـ حُب خاني و باع , يـ عمر عشته خداع
وداع كل اللي بنا وداع
يـ لم فاتني و ضاع مسبش غير اوجاع
