الاوضة كنزة ..كل يومين بتصغر
بقدم الكربان للضلمة و بدعي نكون خلصنا
مش فاهم لسه .. ازاي مش قادر تنسي
ارجوك متزودش الحزن كفايه الخوف حابسنا
وادي نفس الكسره في العنين
داري الحزن بضحكتين
داري كونك انك طيب الناس عايزه اللي بوشين
الناس دي عايزه اللي بيخدعها
ثقب اسود يجي يبلعها
ثقب احمر فاهم المعني
يلعن اي طريق يجمعنا
فتح عينك دا مش ادب
قولي خدت يجي كام قلم
مش حاسس غير بالندم
ليك تاريخ طويل في الالم
نازل هد فيك الزمن
خانك كل من يؤتمن
متكتف بحبال العشم
دابت كل حبال الامل
والنتيجه.. بتطلع كل يوم بصدمه جديده
و الاحداث دايما تتعقد ليه مش هو دا ترتيبك
طب مش هو دا تخطيطك
اسال نفسك مين حبيبك
اسال نفسك مين في صفك
و قولي فشلنا ازا و انا اسيبك
مش فاهمني .. قولي ازاي هتكمل حته مني
كان مفروض هتعلم منك قولي مين اللي هيعلمني
مش مفروض دورك يقتصر علي انك تديني نصيحه
كان مفروض تكون معايا في كل ظرف كان بيردمني
..
لون السما قالب دم و دا مش فيلم جديد من marvel
بقول لعقلي اتلم بقيت انا عصبي دماغي انا بقفل
شيطان الشهوه نازل زن .. فيه جزء فجر و جزء اتجن
دايس بنزين و عن عن سبيل رجوع مفيش امل
مفيش امل مفيش امل .. نظام الكون في حياتنا خل
جربنا نعيش ب 100 طريقه و برضو الياس فينا ذل
جرب تشوف للفرقه حل جرب تجرب نار القلب
في وسط ناس بيضحكولك و هما نازلين فين ذم
يا سلم و استسلم يا اما
اعيش فيكي متندم بالزمه
حياتي في الاسوء علي القمه
فلازم انا اعيشها بالقوه
فلازم انا اصحصح و اتعلم
اعلي كدا في صوتي و اتكلم
اتشنكل اقف تاني و اكمل
اصحح انا في ذاتي و اتقدم
هبني نفسي حتي لو العالم هد فيا
هتلدع مره بس هلدع في البقيه
هقرص علي نفسي مش هبطل دعم فيا
مش هتبطل تحصد شر طول ما بتزرع كره فيا
..
متاخر في الزمن عشان بداوي في الالم
مشوفتش ضهر حد غيري في الزمان دا بيتقسم
كان عندي حلم و اترسم علي ورقه ضاع من البلل
وانا علي المزيكا بتغسل مش بشكي منك من الملل
