يا مرحبا و يا هلا باللي جانا
الدنيا احلوّت لما صرتو معانا
شو كنا لرجعتكم احنا ناطرين
مشتاقين و يشهد الله مشتاقين
الحمدالله ع السلامة
فيكم عيني فرحانة
شرفتونا نورتونا
هالطلة شو حليانة
واحنا لنشيل الغوالي بعنينا
ما صدقنا بشوفتهم تهنينا
و دموع الفرحة بعد دموع الفراق
و الضحكة تحكي عن هالقلب المشتاق
أهلا وسهلا بالغوالي و الأحباب
فرّحتونا و رجعتو من بعد غياب
احنا اشتقنا ما بدنا هالغيبة تطول
شو بنحب نتهنى بشوفتكم على طول
