تعبت اهواي كافي رايد ارتاح
الحگ عالبقالي اوأنسه الراح
يمته استريح
امشي واطيح
اني من عمري اشفت
گلبي جريح
من همي اصيح
بس جروح اشحصلت
مالي حبيب
عايش غريب لحالي
آني بس عمري ارد اعيشه عمر ثاني مااريد
يوم يشبه أحسه وماشفت أي شي جديد
ياما مشيت
وحدي أو بچيت
أحچي وي روحي صرت
يعني أنتهيت
لاكن بقيت
زين والله و مامتت
مالي حبيب
عايش غريب لحالي
سنيني مدري شلون راحت منهو يفهمّني ليش
روحي مايوم استراحت يمته مثل الناس أعيش
دربي طويل
وحملي ثگيل
كافي ياما أتحملت
صبري قليل
وشنهو البديل
حتى غربه أتغربت
مالي حبيب
عايش غريب لحالي
