حى هو الرب إلهى إللى أنا واقف قدامه
حى سيدى الملك إللى أنا عايش خدامه
لاأنا خايف من شىء كان
ولا من مخلوق مهما إن كان
ولا محتاج شىء من إنسان
ده مكفينى سلامه
أنا شايف آخر المشوار
جاىّ الفجر وجىّ نهار
ولحد الشر ماينهار
أنا هارفع أعلامه
أنا عاكف على المكتوب
ضد التيار المقلوب
بأشهد ليسوع المحبوب
وأتشارك فى ألامه
أنا عارف إيمانى بمين
ده القادر يحفظنى آمين
جاى وهاشوفه بكل يقين
زى ما وعد فى كلامه
أنا واقف مستنى وعود
تتحقق والمجد يعود
ونقف كده صفين بالعود
ونعلى فى أنغامه
لينا حق نقوم نقوم نقوم ونرنملك
لينا حق اليوم اليوم اليوم نشهد عنك
يامكلل بالجود أيامنا
وخيرك سابق ترانيمنا
وآثارك تقطر فى دسمها
على شعبك يشهد بجمايلك
ميلنا كغنم فضللنا
وإتحط عليك حمل آثامنا
وخطايانا وكافة أحزاننا
إترفعت عنا فى يوم صلبك
الصعبة معاك بتسهلها
والمرة معاك بتحولها
وإن مالت بينا بتعدلها
وتعوض صبرإللى إنتظرك
رب الأفراح الحقيقية
بتزيد شعبك بالتعزية
قدامك تهرب أحزاننا
والحال يتبدل على يدك
