Verse 1:

طريقة تعبير كلامي المزيكة

بعد التدوير ملقتش حل تاني ليها

قعدت تحفرلي في حفرة و انا وقعت فيها

روحتي فين

الحب في الأفلام

و المزيكة و معانيها

نفسي نرجع ايام زمان

قبل ما نعرف اللي فيها

حاولت انسى الحوار و احس انو عدى و فات

مليش في الرسم بس نفسي ارسمك رسومات

نفسي ارسمك رسمة و احطها في لوحة

بس دا اخر نداء لطيارة الدوحة

حاولت مرة بس الطريق إتسد

مش عايز اعدي بس مش هعدي حد

ياريت تسامحيني انا عنيد

اعذريني لو كلامي مش مفيد

Verse 2:

لسة اهو داللي صار

بعزف تراكي عالجيتار

متعبتش تعبت الأوتار

ملحقتش صحبي في المطار

واحشني والله مش هزار

الواد م drip و فيه دمار

ايه اخبار ال UK

بس إنتي رايحة على فين

بعرف اقراكي من العين

شفت الحب عمل ايه

شفت الحب عمل ايه

هتعشقيني لما شعري يبيض

بس مترضيش عشان من الرد بتخض

و متلطميش عشان مبحبش اللطم

وراكي لحد اما يجيلي هشاشة في العضم

هنعيش ندور على كنوز

مش هندور على فلوس

لإن الفلوس رزم ملهاش قيمة داللي اتعلمتوا من الدروس

متقولش حاجة انت مش قدها

الرجولة دي انتا مجتش جنبها

بس هيا عندي بالدنيا كلها

احب اوضح و اعرفكوا انها

VERSE 3:

سابقة سنها

انا عاجبني لبسها

عمري ما كنت مهتم بي لبس

احط قلبي واحط دماغي في جبس

ممكن انزل خارج معاها لابس levi’s

دايما في الكلام معاها بتديني advice

كانت بتكبر دماغي وتواعيها

و تقولي فكر قبل اما تعمل حاجة فيها

و هي دايما بتشجعني عالمزيكة

عمر ما الكلام هيوصف اي حاجة ليها

انا بطير من الفرحة لما بتيجي سيرتك

لو محتارة انا اللي اضيع حيرتك