الراس عالي للسماء ونظرتي فوق
شامخ ولي قلب ولا حد مثيله
اشتقت لكن عزتي تعاند الشوق
واقف ولاتهزني هموم ثقيله
عند الكرامة ابيعهم باول السوق
ولاهمني راعي العيون الكحيله
ماعاش منهو يذلني وللهوى حقوق
كرامتي تسوى الخليل وخليله
انا السحاب الي به رعود وبروق
تعطي وعطاياها عليهم جزيله
انا لحبيبي حب واحساس وذوق
وانا لعدوي كالسيوف السليلة
لو كان بي جرح من سنين مفتوق
اصبر ولاني بالالم اشتكي به
اضحك ولو صدري من الهم مخنوق
باسي قوي ودمعتي مستحيله
اجيك لاشفتك من الهم محروق
من لايقدر جيتي ما اجي له
لي هامة ماهزها اي مخلوق
هي ثابته مثل الحصون الثقيله
انا وخفوقي مثل عاشق ومعشوق
قصة وفاء مانختلف باي حيله
ابوي رباني على العز والذوق
اشيل حمل صعب غيري يشيله
