شبيهة النور وجه البدر لامن طل
ممشوقة الطول .. والمجدول يحتله
منحوتة الخصر ويا مبعد يجي له ظل
يرسى على اللي برسمه وفيٍ ظله
قولي ل رمشك الا من من غروره سل
سيف المفاتن .. ترفق في عباد الله
ما بين يمكن ولكن ، يا عساه ، وعل
تشكي قلوبٍ .. على لقياك معتله
فيك التباهي تباهى وانتي مالك حل
الا ف يديني .. ولغزك ممتلك حله
شاعرك يرهق قلوب المغرمين ودل
عشقك .. وقلبك .. ودربٍ ما حدٍ دله
يرتاح لا من لفيتي ب القصيد .. وهل
شرد المعاني .. وفاحت للغلا دله
ينثرك حبره وحرفه واثقٍ ما زل
ثابت ولا هو بعين الناس حي الله
يفداه قلب العذول .. الممتلي ب الغل
ويفداك عين الحسود .. مخالف المله
شبيهة النور .. ما ظني حبيبك مل
وشلون وانتي بكل الكون لك طله
