صحاب الفلوس والكاشات

خواتي في حاجات وحاجات

وانا عارف انا شايف

وحاسس بقلبي الي مات

كلامكم في ضهري كتير

بتثبت باني الكبير

في مجالكم خدو بالكم

وعشتم بسببي في خير

رسمت الفرح في الوشوش

وكترت عليا الوحوش

انا عايش مع عالم

ديابه ومابيرحموش

اخدتو الي جاي والي راح

وسبتم معايا الجراح

حسدوني فاكرني

متهني اوي ومرتاح

في حقد وفي دم وعذاب

مفيش في الزمان ده صحاب

كون جاحد ولا واحد

يعمل لزعلك حساب

في حضنك تضم بحنان

وتدي لكله امان

في الاخر تتندم

وتقلب في زعلك شيطان

عينيكم ماليها الصفار

ربطتو الدموع بالهزار

خنتوني بعتوني

مكنش قصادي اختيار

بدور وفين الي باقي

في عمري هدور هلاقي

انا تايه مش عارف

بموت شيء مهم احتوائي

بضحي عشانك كتير

واملي ان اشوفك بخير

مش عارف ايه حصلك

قتلتي الحب الكبير

خليتك في قصرك اميره

وكنتي في قلبي الاخيره

مش ممكن يوم اسامحك

علشان غلطاتك كتيره

بشوفك في نفس المكان

مفيش من وجودك امان

وياكي ومعاكي

بفتكر الجرح الي كان

عشان اسيت الجراح

في قربك ماشفتش نجاح

وانا فايق انا رايق

ودايما لغيرك متاح

لو اعرف نوايا القلوب

مكنتش لا اعشق وادوب

كنت انسي كنت اقسي

واكمل في ارض الحروب