بغني راب يصدر من تحت الأرض
راب حر ما مقيد بدون أي شرط
رابي يوصف حال الشارع بالطول و العرض
بتكلم عن الوضع الحاصل و بكتفي بهذا فقط
That's Real Hip-Hop Ya Men
مايكرفوني للحق .. ما بحكي بيهو قصة حب بين قلبين
أه وين ؟؟ في دي السخانة ؟؟
هل تتوقع أمسك مايك ، و أقول بحبك يا فلانة ؟؟
ياخ خاف المولى ، مجتمعنا اولى
في شارعنا شباب دموعهم تنزف من الدولة
أولى .. من إنك تتغزل في بت
و لو قلنا نجي نشوف حبيبتك دي نلقى عيونها حولة
في شارعنا فقير ما قادر يبل الجوف
في مجتمعنا ناس حياتهم وقفت وقوف
و البعض أحلامهم ضاعت و السبب تلك الظروف
No إمكانيات يعني حـ تكون مكتوف
أيوة عارف إني عزفت على الوتر الحساس
دي الحقيقة ، و الحقيقة مرة يا ناس
سوداننا ضاع .. سوداننا ضاع
و داك يغني لي "قابلتو مع البياع"
ههه الله يكون في العون
إنتو خليكم في الهبل و أنا ضد القانون
مادام الظلم قانون يبقى أنا متمرد
لو فكركم كدا !! من عاداتنا متشرد
إنسان ميت ، بس عقلي حي
عقلي مليئ بالأفكار بس بدون تنفيذ أي شئ
و السبب إني في دولة
الفاشل تلقى كل الناس حوله
أم الناجح يتعب يكافح ، بدون دعم بدون ناصح
و في الأخير لـ كف الفشل تلقاو يصافح
لأنو ما لقى إقبال
لأنو رفض يقول أي كلام بتقال
لأنو لو كان قال : راجل المراة مثال
و ربي الآن كان تلقى إتعملو تمثال
